Ho tohin’ilay hetsika FIJERY HAFA natao tetsy Anosibe ny 18 oktobra 2024 lasa teo dia nozaraina androany faha 16 desambra 2024 ireo mari-piofanana ho azy 144 mianadahy nanaraka ny fampiofanana momba ny mécanique auto. Marihina fa 19 isan-jato tamin’izany dia vehivavy. Notanterahina tao amin’ny Amphi B Ampefiloha ny lanonana.
Nanomboka anio ihany koa ary haharitra 5 andro ny fanofanana maimaim-poana ho an’ireo nisafidy ny sampam-piofanana zaitra tamin’io hetsika FIJERY HAFA Anosibe io. Maherin’ny 100 ny isan’ireo mpiofana izay notsinjaraina ho 30 isam-bondrona. Ny L.T.A Ampefiloha sy ny CFPF Tsimbazaza no ivotoeram-pampiofanana nandraisana izany.
Ny Dretfp Analamanga no misahana ny fandraisana an-tanana ireo hetsika ireo.
Manan-danja ho an’ny Ministera ny maha olona ary isan’ireo tanjona napetraka ny fanomezana traikefa hahafahan’ny tsirairay mioitra amin’ny fiainana ka hamorona asa avy hatrany.
