Notanterahina tao amin’ny Asia and Africa Hotel Ivato, ny 19 desambra 2024 ary hitohy hatramin’ny 20 desambra 2024 ny fihaonamben’ireo minisitera telo tompon’andraikitra amin’ny fanabeazana/fampianarana eto Madagasikara, ary ireo mpisehatra rehetra amin’izany.
Tanjona ny hisian’ny fitantanana mangarahara sy mahomby amin’ny loharanon-karena atolotra ho an’ny sehatry ny fanabeazana/fampianarana, ny hanamafisana ny fiaraha-miasa eo amin’ny Ministera telo tonta sy ireo mpiara-miombon’antoka, ary handraisana fanapahan-kevitra stratejika momba ny fampandrosoana ny drafitra vaovao.
Ny Minisiteran’ny Fampianarana Teknika sy ny Fanofanana Arak’Asa dia mitana anjara toerana lehibe amin’ny fanatanterahana ny «Plan Sectoriel de l’Education» (𝑃𝑆𝐸), ary mandray anjara mavitrika amin’ny fampandrosoana ny rafitra fanabeazana/fampianarana amin’ny fanatsarana ny kalitaony eto amin’ny firenena.
Tonga nanome voninahitra ny fihaonana Andriamatoa HARISOAMANARIVO Angelico Hennodius, Sekretera Jeneraly, solotenan-dRamatoa Minisitry ny Fampianarana Teknika sy ny Fanofanana Arak’asa, Marie Marcelline Rasoloarisoa, ary ireo tompon’andraikitra samihafa ao amin’ny ministera.
