𝐅𝐚𝐧𝐨𝐦𝐛𝐨𝐡𝐚𝐧𝐚 𝐚𝐦𝐢𝐧’𝐧𝐲 𝐟𝐨𝐦𝐛𝐚 𝐨𝐟𝐢𝐬𝐢𝐚𝐥𝐲 𝐧𝐲 𝐟𝐚𝐧𝐤𝐚𝐥𝐚𝐳𝐚𝐧𝐚 𝐧𝐲 𝐟𝐚𝐡𝐚-𝟔𝟓 𝐭𝐚𝐨𝐧𝐚 𝐧𝐢𝐯𝐞𝐫𝐞𝐧𝐚𝐧’𝐧𝐲 𝐅𝐚𝐡𝐚𝐥𝐞𝐨𝐯𝐚𝐧𝐭𝐞𝐧𝐚 𝐚𝐧’𝐢 𝐌𝐚𝐝𝐚𝐠𝐚𝐬𝐢𝐤𝐚𝐫𝐚
Tanteraka androany Alatsinainy 02 Jona 2025 teny amin’ny Parvis Analakely ny lanonana fanokafana amin’ny fomba ofisialy ny fankalazana ny faha-65 taona niverenan’ny Fahaleovantena an’i Madagasikara.
Natomboka tamin’ny fananganan-tsaina niarahan’ny rehetra izany, notarihin’ny Filohan’ny Repoblika, Andriamatoa Andry RAJOELINA, ho fanehoana ny firaisan-kina sy ny fitiavan-tanindrazana.
Nanotrona io fotoana manan-danja io ny Praiminisitra Lehiben’ny Governemanta, Andriamatoa Christian NTSAY, sy ireo mpikambana ao amin’ny Governemanta, anisan’izany Ramatoa RASOLOARISOA Marie Marcelline, Minisitry ny Fampianarana Teknika sy ny Fanofanana arak’Asa, ary koa ireo tompon’andraikitra ambony avy amin’ny sehatra sivily sy miaramila.
Manamarika ny fanombohana amin’ny fomba ofisialy ireo hetsika maro hotanterahina manerana ny Nosy mandritra ity volana Jona ity io lanonana io, ho fanomezam-boninahitra sy fankalazana ny Fahaleovantenan’ny Firenena.
