Tanora miisa 143 avy ao amin’ny Ecole des Savoir-faire, niofana momba ny “crochet” sy “broderie smocks” no notolorana mari-piofanana ny 08 janoary 2025 tao amin’ny orinasa Axelle Anosy Avaratra.
Tonga nanome voninahitra ny lanonana Ramatoa Minisitry ny Fampianarana Teknika sy ny Fanofanana arak’Asa, #RASOLOARISOA_Marie_Marcelline.
Ny Ecole des Savoir-faire dia nisokatra ny taona 2022 rehefa nahazo ny fankatoavana ara-panjakana. Namoaka ny andiany voalohany ny volana mey 2022, ary isan’ireo sekoly sangany sy manaraka ny kalitao iraisam-pirenena, raha ny sehatry ny “textile habillement et accessoires” no asian-teny.
Isan’ireo tanjona imasoan’ny sekoly ny fampiakarana ny fahaiza-manaon’ny mpiasa malagasy amin’ny alalan’ny fanomezana azy ireo fiofanana arak’asa. Tsara ny manamarika fa izy 143 mianadahy ireto dia voaray hiasa avy hatrany ao amin’ny Axelle.