20 desambra 2024 : Mamarana ny fidinana ifotony tanterahan-dRamatoa Ministra #RASOLOARISOA_Marie_Marcelline ao amin’ny Faritra SAVA ny fitsidihana ireo ivon-toeram-panofanana sy LTP mandrafitra ny DRETFP ao Sambava.
Natomboka tamin’ny LTP ny fitsidihana ary nitohy tamin’ny CFP sy ny CRFPPSH ao Soavinandriana Sambava. Nisy ihany koa ny dinidinika niarahana tamin’ireo mpiara-miasa sy mpandraharaha eo anivon’ny DRETFP.
Isan’ireo tanjona goavana imasoan’ny Ministera foibe, ny fampivoarana ny lafiny maha olona. Noho izany, ny ezaka rehetra dia mifototra amin’ny fanamafisana orina ny kalitaon’ny fampianarana sy fanofanana atolotra ny tanora malagasy.
