Faritra Analanjirofo : Fitsidihana ny LTP Vavatenina

Ny distrikan’i Vavatenina no namaranan’ny Minisitry ny Fampianarana Teknika sy ny Fanofanana arak’Asa, Ramatoa RAHANTANIRINA Vavitsara Gabriella, ny fitsidihana nataony tao amin’ny faritra Analanjirofo.

Ho an’ny teto Vavatenina dia efitrano telo (03) miampy efitrano vonjimaika natsangan’ny FRAM no misy eto amin’ny Lycée Technique. Tsy maintsy hirosoana arak’izany ny fitadiavam-bahaolana hampitomboina isa ny efitranon-tsekoly, satria maro ireo tanora vonona hanaraka ny fampianarana teknika sy fanofanana arak’asa aty an-toerana.

Tanora miisa 152 ihany koa no nozaran-dRamatoa Minisitra, mari-pahaizana mahakasika ny fampiofanana fototra teto Vavatenina. Nahavita fiofanana momba ny tao-trano, fikirakiràna solosaina, ny zaitra, ny fiompiana tantely ary ny fiompiana akoho izy ireo.

Nifampidinika tamin’ny mpitantana ny sekoly ihany koa ny Minisitra, ny hanaovana laharam-pahamehana ny fikarakarana ny atontan-taratasy mamaritra ny faritry ny Lycée Technique ; hahafahana mampitombo ny isan’ny foto-drafitrasa, sy ho fiarovana azy ireny tsy ho lasan’ny mpijirika sy ny mpisoloky.

« Olo mahay raha tsy very mandeha »
©️METFP/ DRETFP ANALANJIROFO – Jolay 2022

Olo-mahay raha, tsy very mandeha

Adresses

Formation FPQ/AMB

Copyright © 2021 – Ministère de l’Enseignement Technique et de la Formation Professionnelle