Tanteraka androany maraina 01 septambra ny fananganan-tsaina teto anivon’ny Ministeran’ny Fampianarana Teknika sy ny Fanofanana arak’Asa, notarihin-dRamatoa Ministra RASOLOARISOA Marie Marcelline.
Nandritra ny lahateniny dia nisaotra manokana ireo mpikambana tao amin’ny ekipa nandray anjara tamin’ny lalao ASIEF, indrindra ireo tamin’ny taranja triplette sy belote izay nahazo medaly volamena, nanandratra ny voninahitry ny Ministera. Ho fanomezam-boninahitra, dia natolotra ihany koa an-dRamatoa Ministra ny coupe azon’ny ekipa.
Nohamafisin-dRamatoa Ministra fa tsy hifarana amin’izao fankasitrahana izao ny fanohanana; hitohy hatrany ny ezaka fampiroboroboana ny fanatanjahantena ao amin’ny Ministera.
Ankoatra izany, naneho fankasitrahana izy tamin’ny ezaka lehibe nataon’ny mpiasa rehetra nandritra ny volana Aogositra, volana tena niavaka tamin’ny asa sy ny hetsika maro. Nanentana ny rehetra ihany koa izy mba hitazona hatrany ny fahavononana sy ny finiavana amin’ny asa ho fampandrosoana ny firenena.
