Nanamarika ny dia nataon’Andriamatoa Ministry ny Fampianarana Teknika sy ny Fanofanana arak’Asa, TSILEFA Antonio ny fitsidihany ny LTP Ambalavao sy ny LTP Ambositra ny 01 desambra lasa teo.
Tonga nijery ifotony ny zava-misy ao amin’ny LTP Andriamatoa Ministra, ary koa nihaino sy nifanakalo hevitra tamin’ireo mpiara-miasa sy mpandraharaha eo anivon’ny lysea.
Nanome toromarika avy hatrany izy ny hampiharana ireo fanavaozana izay heverina fa hitondra amin’ny fampiakarana ny lentan’ny fanofanana ny tanora. Tanjona hoy hatrany izy ny hahamaro ireo tanora ampy traikefa mivoaka eo amin’ny fampianarana teknika, ka afaka hiasa avy hatrany na koa hamorona asa ho an’ny tenany.
Tsy ny fahafahana fanadinana no tena vokatra fa ilay fidirana eo amin’ny sehatry ny asa sy ny fahafahana manohy fianarana amin’ny ambaratonga ambony kokoa, raha ny nambarany.
Tsy ny ao amin’ireo Lisea Teknika roa ireo ihany no voakasika izany fanovana izany fa ny ivon-toeram-piofanana rehetra manerana ny nosy. Hamafisina araka izany ny ezaka mba ho tanora ampy fahalalana ary vonona hiasa avy hatrany no mivoaka eny anivon’ny LTP na ny CFP eo ambany fiahian’ny Ministera foibe.
“Olona mahay raha tsy very mandeha”