Nanomboka ny 17 hatramin’ny 19 Martsa 2025 tao amin’ny Fofikri Ilafy ny atrikasa fanomanana ny fifaninanana fahaiza-manao rezionaly sy nasionaly-worldskills, hetsika fifaninanana iraisam-pirenena mikendry ny fampivoarana ny fahaiza-manaon’ny tanora amin’ny sehatra matihanina. Izy io dia notanterahin’ny Direction de l’Apprentissage et de la Formation Initiale (DAFI) ao amin’ny Ministeran’ny Fampianarana Teknika sy ny Fanofanana arak’Asa, niarahana tamin’ny tetikasa Better Education for Africa’s Rise (BEARIII) sy ny Programme de Développement des Capacités pour l’Éducation (CAPED) an’ny UNESCO .
Mpandray anjara 28 no tafiditra tao, ahitana mpampiofana, matihanina amin’ny sehatry ny Textile-Habillement et Accessoires (Coupe et couture, Vannerie, Broderie), Ouvrages Bois sy Métalliques, ary ireo tompon’andraikitra eo anivon’ny ministera. Nandritra ny atrikasa dia nifampizara sy nifanakalo hevitra tamin’ ny Expert International Worldskills, Andriamatoa Jean Christophe Soubervie, ireo mpandray anjara.
Andriamatoa RANDRIANTSIVERY Jean Rémi, Talen’ny Examens, no nanokatra tamin’ny fomba ofisialy ny fotoana, nisolo tena an’Andriamatoa HARISOAMANARIVO Angelico Hennodius, Sekretera Jeneralin’ny ministera.
Tanjona tamin’ity atrikasa ity ny fanamafisana ny fahaiza-manaon’ny tanora amin’ny sehatry ny Textile-Habillement et Accessoires (Coupe et couture, Vannerie, Broderie) ary Ouvrages Bois sy Métalliques, ho fanatsarana hatrany ny kalitaon’ny fanofanana sy fanomanana amin’ny fifaninanana eo amin’ny sehatra rezionaly sy nasionaly.
