16 desambra 2024 : Nandritry ny dian-dRamatoa Ministra #RASOLOARISOA_Marie_Marcelline ao amin’ny Faritra Diana, dia nijery ifotony ny CFTPS ny tenany, notronin’ny Governora, ny Préfet ary manam-pahefana maro hafa.
Ny CFTPS na Centre de Formation Technique et Professionnelle Secren dia ivon-toerana natao ho an’ireo tanora maniry ny hiofana amin’ny fanamboarana sy fikojana sambo. Natsangana ny ivon-toeram-panofanana mba hanomanana ireo tanora hiatrika ny sehatry ny asa, fa indrindra handimby ireo mpiasa efa zokiny ao amin’ny orinasa Secren.
Maharitra 9 volana in-droa miantaona ny fampiofanana, ka 4 volana ny teoria raha toa ka 5 volana no hanaovana fampiharana. Isan’ireo sampam-panofanana mampiavaka azy ny “Ajustage”, ny “Fabrication mécanique”, ny “Chaudronnerie tôlerie”, ny “Chaudronnerie tuyauterie”, ny “Electromécanique” ary ny “Electronique d’application”.
150 ireo tanora afaka raisina eo anivon’ny CFTPS ary fifaninanana no hahafahana miditra ao amin’ny ivon-toeram-panofanana.