Fihaonana teo amin’Andriamatoa TSILEFA Antonio, Ministry ny Fampianarana Teknika sy ny Fanofanana arak’Asa sy ny Fikambanana Iraisam-pirenena momba ny Frankofonia (OIF), notarihan’Andriamatoa Traian Laurentiu HRISTEA.
Nodinihana nandritra io fotoana io, ireo tetikasa fanofanana mipàka avy hatrany amin’ny fampananan’asa ny tanora.
Raha tsiahivina dia efa nisy ny fanaovan-tsoniam-piaraha-miasa ny taona 2022, mifototra amin’ny fampiofanana ireo mpampiofana (formation des formateurs – CIAPC). Ny taona 2023 kosa no nankatoavina ny “Référentiel de Métier Compétences” (RMC) mifanaraka amin’izany.
Ankehitriny, vonona ny hanamafy ny fitohizam-piaraha-miasa ny OIF ary isan’ireo tetikasa iarahana amin’ny METFP ny “Plateforme InserJeune”. Rafitra iray hahafahana manara-maso ny fifanojoan’ny tolotr’asa misy sy ny fiofanana omena ny tanora amin’ny alalan’ny aterineto.
Hisy koa famolavolana tetikasa izay hampifanarahana amin’ireo fanavaozana imasoan’Andriamatoa Ministra amin’ny taona ho avy.
Ankoatra izay dia manana ny tetikasa “DCLIC” ny OIF, izay hiantsoana ireo tanora maherin’ny 1000 hiofana eo amin’ny sehatry ny nomerika:
✔️ “Développement numérique”
✔️ “Développement mobile”
✔️ “Marketing numérique”
Ny “DCLIC” araka izany, dia fampiofanana ireo tanora malagasy tia sy liana amin’ny tontolon’ny nomerika, ka afaka hiditra eo amin’ny asa avy hatrany.
Mitovy ny tanjona ho an’ny Ministera sy ny OIF ary hirariana mba hivelatra kokoa hatrany ho tombontsoan’ireo tanora malagasy.
Olo_Mahay_Raha_Tsy_Very_Mandeha
