Noraisin-dRamatoa Ministra RASOLOARISOA Marie Marcelline androany teto amin’ny Ministeran’ny Fampianarana Teknika sy ny Fanofanana arak’Asa ny delegasiona avy amin’ny FID (Fonds d’Intervention pour le Développement), notarihin’i Andriamatoa Achille RAZAKATOANINA, Directeur Général, sy Ramatoa Vero RABOANARY, Directeur des Programmes EAGER.
Nifantoka tamin’ny fanavaozana ny fifanarahana fiaraha-miasa teo amin’ny METFP sy ny FID ny dinika, izay mikendry ny hanamafisana ny asa iombonana amin’ny sehatry ny fampiofanana arak’asa sy ny fampandrosoana ifotony.
Ity fiaraha-miasa nohavaozina ity dia manamafy ny finiavan’ny roa tonta hanome sehatra bebe kokoa ho an’ny tanora sy ny vondrom-piarahamonina amin’ny alalan’ny fanomezana fiofanana, fitaovana ary tetikasa maharitra, izay hahafahan’izy ireo mandray anjara mavitrika amin’ny fampandrosoana ny firenena.
