Mitotaly 50 043 ireo mpiadina manerana ny nosy miatrika ny fanadinana hidirana amin’ny taona voalohany eto amin’ny sehatry ny Fampianarana teknika sy ny Fanofanana arak’asa, izay miantomboka androany 20 jona 2024 ary haharitra roa andro. Mitsinjara amina foibe-panadinana miisa 183 ireo mpiadina ireo.

Ho an’ny LTP Ampefiloha manokana dia miisa 1676 ny mpiadina nisoratra anarana ka 1589 amin’ireo no tonga niatrika ny fanadinana.

Tao anatin’ny filaminana tanteraka no nizotra ny tapak’andro hariva ary ny taranja Matematika no natrehan’ireo mpiadina.

Ny Ministeran’ny Fampianarana Teknika sy ny Fanofanana arak’asa dia mirary fahombiazana feno ho an’ireo mpiadina.

“Olo mahay raha tsy very mandeha”