‎Hiditra amin'ny andiany faha efatra ny fampiofanana ao anatin'ny FRAD na Formation de Réinsertion et d'Appui au Développement izay iarahan'ny DRETFP Vakinankaratra sy ny ENSOA Antsirabe.

‎Ny 09 Martsa hatramin'ny 10 Aprily izao no daty napetraky ny 2 tonta hanatontosana ny fiofanana izay miantefa amin'ireo mpianatra ao amin'ny ENSOA manatontosa Service militaire ao anatin'ny 2 taona ka natao indrindra izany ho fanampiana azy ireo hiatrika asa rehefa mivoaka ny ENSOA ka hiverina amin'ny fiainan'izy ireo andavanandro .

‎Araka izany mpianatra miisa 100 izy ireo no voakasik'ity andiany faha efatra amin'ny FRAD ity izay hotsinjaraina amin'ny lalam-piofanana miisa 5 dia ny: Ouvrage métallique,Ouvrage Bois, BTP , Électricité ary Plomberie .

‎Nihaona tamin'ny ekipan'ny ENSOA ny Talata 24 Febroary 2026 ny ekipan'ny DRETFP Vakinankaratra izay notarihin'Andriamatoa Talem-paritra nidinika ny fomba entina manatanteraka ny fiofanana.Taorian'ny fihaonana dia nisy ny fitsidihana ireo toeram-panofanana ato amin'ny ENSOA niarahan'ny rehetra nanatontosa izay nahitana tokoa ny hatsaran'ny kalitaon'ny sehatra ianarana ao an-toerana .

‎"Olo mahay raha tsy very mandeha