Tontosa androany ny fifamindram-pitantanana teo amin'ny Minisitry ny Fampianarana Teknika sy ny Fanofanana arak'Asa teo aloha, TSILEFA Antonio sy ny Minisitra vaovao, Dr ANDRIAMAMPANDRY Todisoa Manampy.

Tao anaty firahalahiana tanteraka no nizotra ny lanonana, notronin'ny Filoha Lefitry ny Antenimierampirenena ao Toliara sy ireo Solombavambahoaka avy amin'ireo ankolafin-kery samihafa.

Anisan'ireo teboka nisongadina tamin'ny lahatenin'Andriamatoa Minisitra ANDRIAMAMPANDRY Todisoa Manampy :  👉 ny fanomezana lanja ny fiaraha-miasa amin'ny sendikan'ny mpiasa,
👉 ny fampiharana ny mangarahara amin'ny fandraisana mpiasam-panjakana,
👉 ny fanomezan-danja ny teknisianina eo anivon'ny Minisitera,
👉 ny fametrahana ireo fotodrafitr'asa LTP sy CFP ary fampitaovana ho laharam-pahamehana. 

Nofaranan'Andriamatoa Minisitra tamin'ny fisaorana ny fitondram-panjakana ary indrindra ny antoko politika nipoirany ny fandraisam-pitenenana. 


#OloMahayRahaTsyVeryMandeha