Nisy ny fitsidihana nataon’ireo Minisitra telo mianadahy misahana ny sehatry ny Fampianarana tao amin’ny LTP Toliara, notarihin’Andriamatoa Andriamampandry Todisoa Manampy, notronin'ny Minisitry ny Fampianarana Ambony, Andriamatoa Ravonimanantsoa Ndaohialy Manda Vy, sy ny Minisitry ny Fanabeazam-pirenena, Ramatoa Sendranirina Rajaonarison.

Nandritra izany dia nohamafisin’izy ireo ny maha-zava-dehibe ny fiaraha-miasa eo amin’ireo ministera telo amin’ny fanatanterahana ny “plan sectoriel de l’éducation”, izay mikendry ny fanavaozana sy fanatsarana ny rafitra Fampianarana eto amin’ny firenena.

Ho an’ny LTP Toliara manokana dia hotohizana ny fampitaovana ireo fotodrafitrasa vaovao, anisan’izany ny solosaina miisa 10 avy amin’ny MNDPT, ho fanohanana ny fampianarana ara-teknika.

Momba ny fandraisana ho mpiasam-panjakana kosa dia hohamafisina ny fanaraha-maso mba hiantohana ny mangarahara sy ny fahitsiana. Raha misy tranga ahiahiana ho kolikoly dia hampiharina avy hatrany ny fandraisan’andraikitra avy amin’ny BIANCO sy ny Fitsarana. 

Raha ny tarehimarika, 590 ny postes budgétaires tamin’ny 2023, ka 434 no efa eo ampelatanan’ny BIANCO. Ny ambiny sy ireo fanampiny tamin’ny 2025 (250 postes) sy 2026 (200 postes) dia ho ampiasaina avy hatrany.

#OloMahayRahaTsyVeryMandeha