Anisan’ny vina iombonan’ny sehatra telo — ny Fanabeazana, ny Fampianarana Teknika sy Fanofanana arak’Asa, ary ny Fampianarana Ambony sy Fikarohana ara-tsiansa — ny fanofanana tanora ho matihanina sy manana fahaiza-manao matanjaka, ho fanohanana ny fanavaozana sy ny fampandrosoana eto amin’ny firenena.

Nanome voninahitra ny fotoana ny Minisitry ny Fampianarana Teknika sy ny Fanofanana arak’Asa, Dr Andriamampandry Todisoa Manampy, izay mpampianatra mpikaroka sady efa Sojaben’ny Fakiolten’ny EGS teo aloha, niaraka tamin’ireo tompon’andraikitra ambony avy amin’ny Minisitera.

Nandritra ny lanonana dia nizara “témoignages” sy traikefa momba ny lalana nodiaviny Andriamatoa Minisitra ary nanentana sy nampahery ireo mpianatra amin’ny fanohizana ny ezaka sy ny fikatsahana fahombiazana.

#OloMahayRahaTsyVeryMandeha