Marolafy ny tolotra fiofanana avy amin’ny Fitaleavam-paritry ny Minisiteran’ny Fampianarana teknika sy ny Fanofanana arak’asa, anisan’izany ny fiofanana maimaimpoana momba ny fiompiana akoho gasy notanterahina tao Vakinankaratra.Miisa 118 ireo tantsaha sy tanora avy ao amin’ny fokontany Ambohimiarivo sy Tsaramody distrikan’ Antsirabe ll, no nisitraka izany
Notsinjaraina andiany telo ireo mpiofana. Nanomboka ny faha 25 martsa 2024 ny fiofanana ary nifarana ny faha 15 ny volana may 2024. Anisan’ny sehatrasa fototra iompanan’ny mponina avy amin’ireo fokontany roa ireo ny fiompiana akoho gasy. Nizotra am-pilaminana ny fiofanana, liana dia liana ihany koa ireo mpiofana.
Azo antoka araka izany ny hahazoan’izy ireo vokatra tsara noho ny teo aloha, hitombo sy hivelatra kokoa ny sehatrasa sahanin’izy ireo, nohon’ ny teknika fiompiana vaovao hampivoarana ny fidiram-bolan’ny isan-tokantrano
“Olo mahay raha tsy very mandeha” Dretfp Vakinankaratra
