🔴Ho fanatanterahana ny fifanarahana vita sonia tamin’i Emirats-Arabes Unis, dia hanomboka tsy ho ela ny fampiofanana ireo tomponandraikim-panjakana ambony amin’ny resaka haitarika (leadership), fitantanan-draharaham-panjakana, fanatanterahana politikam-bahoaka, ary fahaiza-mitantana na « executive leadership program ».

🔴Mizara andiany 2 ny fampiofanana, ny voalohany ho an’ireo minisitra ary ny faharoa ho an’ireo sekretera jeneralin’ny minisitera, ho voafantina manokana, ireo tale eo anivon’ny fiadidiana ny Repoblika, ary ireo governora sasantsasany.

🔴Nanatanteraka fivoriana ampitain-davitra niaraka tamin’ny tomponandraikim-panjakana Emirati androany atoandro ny ekipan’ny Minisiteran ny Fampianarana teknika sy ny fanofanana arak’asa hanomanana ny votoatin’ny fampiofanana sy ny hamaritana ny tetiandro hirosoana amin’izany.

🔴Tsiahivina fa fandaharan’asa nifanarahan’Andriamatoa Filohan’ny Repoblika Andry RAJOELINA tamin’ny Governemanta Emirati ity fampiofanana ny tomponandraikim-panjakana ambony ity.

“Olo mahay raha, tsy very mandeha”