Taorian’ny ny tombana nataon’ireo mpiofana dia tsapa fa fahombiazana ny vokatry ny fampiofanana ny tanora amin’ny sehatr’asa mifandray amin’ny aterineto (métiers du web) andiany voalohany nokarakarain’ ny Minisiteran’ny Fampianarana teknika sy Fampiofanana arak’asa (METFP). Vita soamantsara ny fiofananan’ireo tanora miisa 202, voafantina hanaraka izany, ary notoloran’ny Minisitry ny Fampianarana teknika sy Fampiofanana arak’asa, Lalatiana RAKOTONDRAZAFY, marim-pankahasitrahana ny zoma faha 2 febroary hariva izy Ireo.

Nisaotra ny Minisiteran’ny Fampianarana teknika sy ny Fampiofanana Arak’asa ny mpiofana ary niaiky fa nisy kalitao ny fiofanana nomena azy ireo na dia maimaipoana aza. Tetsy andanin’izany, nanambara ny mpampiofana, RASAMUEL Andry Rina fa vonona hatrany izy hanaraka ireo tanora ireo amin’ny fanatevenana ny fahalalan’izy ireo mandrapaha tafiditra azy ireo miasa.

Tsy nisy niala an-daharana ny mpiofana. “Mazoto ny tanora, te-hiasa ny tanora, anjarako, anjaran’ny Minisitera, anjaran’ny Fanjakana ny manome tosika anareo”, hoy ny Minisitry ny Fampianarana teknika sy ny Fampiofanana arak’asa, Lalatiana RAKOTONDRAZAFY. Nanome toky ny minisitra fa “Tsy mbola misaraka eto ny lalan-tsika. Ny adidinay dia ny hanampy anareo mba ho tafiditra amin’ny sehatry ny asa”, hoy izy. “Ny tanjona amin’izao fampiofanana izao dia ny hampanan’asa ny tanora, hiadiana amin’ny tsy fanana asa, hampandroso an’i Madagasikara”.

Notolorana marim-mpankasitrahana fahavitana fiofanana koa ny mpiofana mpampianatra miisa 20, afaka hizara sahady ny fahaizany sy fahalalany amin’ny mpiofana amin’ny tontolon’ny asa mifandray amin’ny aterineto.

“Olo mahay raha tsy very mandeha”